Kanadanın Moon World Resorts memarlıq firması Dubayda Ay formalı lüks mərkəz qurmağı planlaşdırır.Bildirilir ki,binanın ümumi hündürlüyü təqribən 224 metr olacaq, ətrafı 40 min kvadratmetrdən çox olan ərazi isə Ay formasında olacaq.Bu dizaynla bağlı təfərrüatlar hələ də azdır, çünki layihə hələ ilkin mərhələdədir, lakin artıq məlumdur ki, Moon Dubai otel otaqları, fitnes mərkəzi, gecə klubu, restoranlar, geyim butikləri və s. kimi standart xidmətlər təklif edəcək. Bundan əlavə, onlar süni yer peyki daxilində gələcək astronavtların hazırlanması üçün xüsusi mərkəzlərin işə salınacağını vəd edirlər.
Moon World Resorts 2023-cü ildə bütün dünyada bir sıra layihə təqdimatları təşkil etmək niyyətindədir və Ayın özünün tikintisi təxminən dörd il çəkəcək. İlkin məlumatlara görə, tikinti 5 milyard dollara başa gələcək.
Bundan əvvəl Bürc Xəlifə ətrafında ucalan göydələn tikmək üçün layihə təqdim edilmişdi.
