«M1» prosessoru üzərində qurulmuş 2021-ci il 12,9 düymlük «iPad Pro» «Windows 10» əməliyyat sistemi ilə işləməyi bacardı.Planşet bunun öhdəsindən yaxşı gəldi və Geekbench nəticələrinin sübutu kimi əla performans göstərdi.Birnüvəli testdə cihaz 1522 bal, çoxnüvəli testdə isə 5073 bal toplayıb. Bu nəticələr yerli iPadOS-da cihazın performansının 90%-nə və 70%-nə uyğun gəlir. Qeyd edək ki, bençmarkın nəticələrini paylaşan bloqqer birbaşa Windows 10-u iPad Pro-da quraşdırmayıb, Microsoft əməliyyat sistemini idarə etmək üçün virtual maşından istifadə edib.
Söhbət QEMU texnologiyasına əsaslanan, istifadəçilərə iPhone və ya iPad-də jailbreak olmadan Winodws və ya Linux sistemlərini idarə etməyə imkan verən UTM adlı “virtual maşın”dan gedir. O, həmçinin macOS ilə uyğun gəlir. UTM tərtibatçıları tərəfindən verilən rəsmi məlumatlara əsasən, bu virtual maşın x86_64, AMR64 və RISC-V arxitekturasına əsaslanan modellər də daxil olmaqla 30-dan çox prosessoru dəstəkləyir və iOS 11 və daha yüksək versiyalarla işləyən cihazlarda işləyə bilər. Bundan əlavə, o, sistemin özündən istifadə imkanlarını genişləndirə bilən klaviaturalar, siçanlar, sensor panellər, Apple Pencils, kontrollerlər və digər cihazlarla uyğun gəlir.
