Mobil əməliyyat sistemləri daim istifadəçilərin heç xəbərdar olmadıqları yeni xüsusiyyətlər və imkanlarla genişlənir.Buna görə də «Google» onlardan bəziləri haqqında açıqlama vermək qərarına gəldi. Məsələn, şirkət smartfonun batareyasının ömrünü uzatmaq üçün tövsiyələrin yer aldığı videoçarx yayımlayıb.
İlk növbədə, tövsiyyələr «Pixel» smartfonlarının sahiblərinə yönəlib,lakin onlar həmçinin «Google»-a yaxın proqram təminatı olan digər markaların cihazlarının sahibləri üçün də faydalı ola bilər. Şirkət batareya parametrləri bölməsində mövcud olan Adaptiv Batareya funksiyasından istifadə etməyi tövsiyə edir. Aktivləşdirildikdə sistem cihazın istifadəsini təhlil edir, insana lazım olmayan proqramları söndürür. Məsələn, bir proqram istifadə edilmirsə, onun fonda işləməsi qadağan ediləcək.
Batareyaya qənaət funksiyası proqramların fon fəaliyyətini məhdudlaşdırır, interfeysi qaranlıq rejimə keçir, ekran sönük olduqda məkanın aşkarlanmasını söndürür. Cihazdan maksimum «sıxmaq» lazımdırsa,»Google» həddindən artıq enerji qənaət rejimini təmin etdi. Aktivləşdirildikdə, əksər proqramlar və fon tapşırıqları deaktiv edilir və istifadəçiyə yalnız əsas funksiyalar qalır. Eyni zamanda, bu rejimdə hələ də işləyə bilən proqramları seçmək mümkündür.
