«Xiaomi»-nin bu yaxınlarda dərc edilmiş maliyyə hesabatına görə, bu il «MIUI» mikroproqramından istifadə edənlərin sayı həm daxili, həm də qlobal bazarlarda rekord səviyyəyə çatıb.Satıcı öz açıqlamasını müvafiq statistik rəqəmlərlə təsdiqləyib.
Şirkətin məlumatına görə, bu ilin iyun ayında «MIUI»-nin aktiv istifadəçilərinin sayı 500 milyon nəfəri keçib, bu gün isə bu, artıq 547 milyon nəfərə yaxındır (bunun 140,2 milyonu Çindədir). Bu nəticə brend üçün mütləq rekord idi. Bu ilin bütün ikinci rübü ərzində dünya üzrə 17,8 milyon yeni MIUI istifadəçisi qeydə alınıb ki, onlardan 4,6 milyonu Çində yaşayır.
Şirkət qazanclarından da danışıb. Beləliklə, daxili bazarda reklamdan əldə olunan gəlir 4,5 milyard yuan (təxminən 650 milyon dollar) təşkil edib ki, bu da ötən ilin eyni dövrü ilə müqayisədə 0,6% çoxdur. Müstəqil analitiklərin fikrincə, bu cür göstəricilər əvvəlcədən quraşdırılmış reklamdan əldə edilən gəlirin azalması, həmçinin komponentlərin çatışmazlığı səbəbindən smartfonların tədarükünün azalması ilə əlaqələndirilə bilər.
Digər tərəfdən, «Xiaomi2 qlobal bazarda öz gəlirini «geri qaytarmağa» müvəffəq oldu — 2022-ci ilin birinci yarısında keçən illə müqayisədə 50% daha çox gəlir gətirdi. Analitiklər bunu şirkətin məhsullarının rəsmi satışını həyata keçirən ölkələrin siyahısının genişlənməsi, brend xidmətlərin populyarlığının artması ilə əlaqələndirirlər.
