Artıq iş yerindən arayış gətirmədən də, banklara kredit üçün müraciət etmək mümkündür. Banklarla Rabitə və Yüksək Texnologiyalar Nazirliyinin Məlumat Hesablama Mərkəzi (MHM) arasında imzalanan müqaviləyə əsasən vətəndaşlar kreditin rəsmiləşdirilməsi üçün elektron arayışdan istifadə edə bilirlər. Hazırda bankların və kredit təşkilatlarının əksəriyyəti elektron arayışdan istifadə edirlər.
Müştəri “Elektron hökumət” portalına daxil olaraq, “Vətəndaşa aid fərdi məlumatlar üzrə elektron arayışın verilməsi” xidməti vasitəsi ilə elektron arayışı tərtib edib, daha sonra kredit sifarişi üçün məlumatın göndərilməsi bölməsində müvafiq bankı seçərək elektron arayışı onlayn rejimdə Banka göndərə bilər.
Xatırladaq ki, bu arayışda iş yerindən əlavə, işçinin əmək haqqı və digər məlumatlar var. Eyni zamanda müştəri bu arayışı çap edib banklara da apara bilər.
Qeyd edək ki, Elektron Hökumət Portalına sadələşdirilmiş kod parollarla yanaşı həmçinin elektron imza sertifikatı, “ASAN imza” və Portal tərəfindən təqdim olunan istənilən identifikasiya vasitələri ilə də daxil olmaq mümkündür.
Bəs, elektron arayış sisteminin əsas üstünlüklər nədir?
— Sutkanın 24 saatı, günün istənilən vaxtında banka onlayn kredit alma müraciətini göndərmək mümükündür,
— Vətəndaşlar üçün vaxt itkisini aradan qaldırılması və rahatlığın təmin edilməsi,
— Bürokratik proseslər ləğv edilməsi,
— Çalışdığı müəssə rəhbərliyinin işcinin kredit götürməsi haqqında məlumatlandırılmasına ehtiyacın olmaması.
Aşağıdakı banklar kredit əməliyyatlarının aparılması prosesində e-arayışları tətbiq edir.
Access Bank
AG Bank
AFB Bank
Amrahbank
ASB Bank
Atabank
Azərbaycan Beynəlxalq Bankı
Azər Türk Bank
Bank of Baku
Bank BTB
Bank Standard
Bank Respublika
CDB Bank
DəmirBank
Deka Bank
Express Bank
Kapital Bank
Xalq Bank
NBC Bank
Nikoil Bank
Mugan Bank
Unibank
Rabitəbank
Turanbank
VTB Bank
TBC Kredit
“İnkşaf üçün Maliyyə” BOKT
