“Apple”-ın əsas tərəfdaşı “Foxconn” Braziliya və Hindistan da daxil olmaqla Çindən kənarda bir neçə yerdə “iPhone” istehsal xətlərinə malikdir. Bununla belə, şirkətin qlobal smartfon tədarükünə gəldikdə, Çin istehsalı ən vacib olmaqda davam edir. Belə görünür ki, bu il vəziyyət dəyişəcək və “iPhone 14”-ün istehsalı Çin və Hindistanda eyni vaxtda başlayacaq. Bu fikri nüfuzlu analitik Ming-Chi Kuo bölüşür.
Analitik hesab edir ki, “iPhone 14”-ün ən azı bir versiyası Hindistanda Çinlə eyni vaxtda istehsal olunacaq. Əgər bu doğrudursa, o zaman Çinlə eyni vaxtda başqa ölkədə yeni nəsil “iPhone” istehsalına ilk dəfə başlanacaq. Başqa ölkələrdə istehsala başlamazdan əvvəl adətən bir neçə ay çəkir. Məsələn, Foxconn “iPhone 13”-ün yığılmasına bu ilin aprelində Hindistanda, bir neçə həftə sonra isə Braziliyada başlayıb.
Digər ölkələrdə “iPhone” istehsalı əsasən yerli bazarlarda tələbatın ödənilməsinə yönəlib. Kuo hesab edir ki, “Foxconn”-un Hindistandakı mövcud “iPhone 14” istehsal gücü Çindəki istehsal problemlərinin yaratdığı boşluğu doldurmaq üçün kifayət etməyəcək, lakin “Apple” üçün bu mərhələ Çindən kənarda istehsalı genişləndirmək yolunda mühüm mərhələdir. Analitik vurğuladı ki, “Apple”-ın Hindistanda “iPhone 14” istehsalına erkən başlamaq qərarını şirkətin təchizat zəncirlərinə geosiyasi təsiri diktə edir.
