Cənubi Koreyada “Galaxy Earlybird To Go” proqramı işə salınıb. Onun müştəriləri hamıdan əvvəl yeni “Samsung Galaxy” cihazlarını tətbiq edə və sınaqdan keçirə bilərlər. Şirkət qarşıdan gələn smartfonlar və saatlarla məhz bunu edəcək.
Tətbiqdə istifadəçilər yeni “Galaxy” məhsullarından istifadəni necə təsəvvür etdikləri barədə hekayə danışmalıdırlar.”Samsung” qalibləri təsadüfi üsulla seçəcək. Onlar yeni “Galaxy”-dən ilk istifadə edənlər arasında olacaqlar.
Növbəti “Galaxy Unpacked 2022” tədbirində “Samsung” “Galaxy Z Flip 4″ ,”Galaxy Z Fold 4”, “Galaxy Watch 5” “ağıllı” saatını və “Galaxy Buds 2 Pro” qulaqlıqlarını təqdim edəcəyi gözlənilir.
“Samsung” 28 iyul-3 avqust tarixləri arasında müraciətləri qəbul edəcək, qaliblər 8 avqust 2022-ci ildə elan ediləcək. Samsung-un məlumatına görə, 1800 nəfər seçiləcək. Galaxy Unpacked 2022 tədbiri avqustun 10-da baş tutacaq.
