“Meta” 2024-cü ildə Project Nazare kod adlı əlavə reallıq eynəklərinin ilk versiyasını buraxmaq planlarından imtina etdi. The Information mənbəsinin məlumatına görə, bu model tərtibatçılar üçün demo məhsul olacaq və şirkət əsas diqqətini Artemis kod adlı ikinci versiyanın yaradılmasına yönəldəcək. Planların dəyişdirilməsi o deməkdir ki,”Meta”-nın yaxın bir neçə il ərzində kommersiya məqsədli genişlənmiş reallıq eynəklərini buraxmaq ehtimalı azdır.Şirkətin planlarının korrektə edilməsinə gəlir artımının yavaşlaması səbəb olub, bununla əlaqədar şirkət bəzi bölmələrdə işçilərin işə götürülməsini dayandırıb, həmçinin elektron cihazların hazırlanmasında ixtisaslaşan Reality Labs bölməsinin büdcəsini azaldıb.
Dəyişikliklər pandemiya zamanı satışları artan Portal smart displeylərinin buraxılışına da təsir edib. İndi Portal cihazları korporativ seqmentə yönəlib və istehlak bazarı üçün daha heç bir model istehsal olunmayacaq.
Bundan əvvəl şirkətin iki kamera ilə təchiz edilmiş Milan kod adlı ağıllı saatının hazırlanmasını dayandırdığı barədə məlumatlar yayılmışdı. Meta*-nın həmçinin Kyoto və Paris kod adlı smart saatın daha iki versiyasını buraxmağı planlaşdırdığı barədə şayiələr var, lakin bu layihənin gələcəyi hələ də məlum deyil. Dərhal qeyd edirik ki, yaxın illərdə AR eynəklərinin buraxılmasından imtina VR qulaqlıqlarının buraxılışına çətin ki, təsir göstərsin – bu istiqamət çox sərfəli və perspektivlidir.
