«Nokia» telekommunikasiya avadanlığı şirkətinin baş direktoru Pekka Lundmark bildirib ki,altıncı nəsil (6G) rabitə şəbəkələrinin kommersiya istifadəsinə 2030-cu ildə başlanılacaq.Eyni zamanda, o qeyd edib ki, həmin vaxta qədər çox güman ki, bir çox insanlar smartfonlardan istifadə etməkdən imtina edəcək, taxılan elektronika və implantasiya olunan çiplərə üstünlük verəcəklər.
Davosda keçirilən Dünya İqtisadi Forumunda çıxışı zamanı Lundmark 2030-cu ildə «6G»-nin kommersiya istifadəsini gözlədiyini söylədi.O qeyd edib ki, bundan əvvəl də insanların smartfonlardan imtina edərək, internetə qoşulub bir-biri ilə əlaqə saxlaya bilən ağıllı eynəklərə və digər oxşar cihazlara keçməsi ehtimalı var. Üstəlik, bu cihazların bəziləri insan orqanizminə implantasiya ediləcək.
“O vaxta qədər bu gün bildiyimiz smartfon mütləq daha çox yayılmış interfeys olmayacaq. Bu şeylərin çoxu birbaşa bədənimizdə qurulacaq” Lundmark bildirib.
O, dəqiq nəyi nəzərdə tutduğunu açıqlamayıb, lakin çox güman ki, söhbət Elon Maskın Neuralink şirkəti tərəfindən hazırlanmış elektron implantlardan gedir. Daha geniş mənada, barmaqlara və ya bədənin digər hissələrinə implantasiya üçün nəzərdə tutulmuş çiplərdən danışa bilərik.
Lundmark həmçinin qeyd edib ki, 2030-cu ilə qədər «hər şeyin rəqəmsal əkizləri» olacaq və bunun üçün «kütləvi hesablama gücü» tələb olunacaq. Onun sözlərinə görə, Metaverse-də məlumatların ötürülməsi üçün şəbəkələr bugünkündən 100, hətta 1000 dəfə sürətli olmalıdır.
