«Intel»-in baş direktoru Pat Gelsinger çip çatışmazlığının 2024-cü ilə qədər davam edəcəyini bildirib.Fabriklər istehsal gücünü artıra bilmədiyindən çatışmazlıq ilkin olaraq düşünüldüyündən daha uzun sürəcək.
Bu,ümumi yarımkeçirici çatışmazlığının əvvəllər proqnozlaşdırdığımız kimi 2023-cü ilə qədər deyil,2024-cü ilə qədər davam edəcəyinə inanmağımızın səbəblərindən biridir. Hazırda çatışmazlıq artıq avadanlıqlara təsir edib, onsuz istehsalı artırmaq çətindir.
2024-cü ilin sonuna qədər “proses istehsalında liderliyi” bərpa edəcəyinə söz verən «Intel», yeni nəsil ASML ekstremal ultrabənövşəyi (EUV) litoqrafiya maşınının çatdırılmasını ehtiva edən bir yol xəritəsi yaratdı.150 milyon dollarlıq maşın ultrabənövşəyi işığın fokuslanmasına kömək etmək üçün diqqətlə cilalanmış güzgülərdən istifadə edir və bu, sxemlərin lövhəyə həkk olunmasına imkan verir.
Gelsinger daha əvvəl bildirmişdi ki,çip sənayesində tələb və təklif balansı 2023-cü ildə qurulacaq.Keçən həftə Intel, ikinci rüb üçün təxminləri analitiklərin gözləntilərindən aşağı olsa da,birinci rübdə Wall Street-in gözləntilərini üstələyən gəlir və qazancları bildirdi. Son bir həftə ərzində Intel səhmləri 8,6% ucuzlaşaraq 93 dollardan 85 dollara düşüb.
