«Huawei» yeni qatlanan smartfonla birlikdə «Huawei Watch GT 3 Pro» qabaqcıl smart saatını təqdim etdi.
Yeni «Huawei» smart saatı klassik yuvarlaq siferblat dizaynını saxlayıb.Onlar iki versiyada mövcuddur — 43mm və 46mm. 46 mm-lik versiyanın AMOLED displeyinin diaqonalı 1,43 düym, 43 mm-lik versiyası isə 1,32 düymdür. Hər iki versiya keramika qutusu və sapfir kristalını aldı.
Huawei Watch GT 3 Pro HarmonyOS-da işləyir, elektron pul kisələrini dəstəkləyir və NFC modulu ilə təchiz olunub. Bu ağıllı saat modelinin əsas xüsusiyyətlərindən biri də hazırda yalnız Çində mövcud olan EKQ funksiyasıdır.
Qadcetin digər xüsusiyyətlərinə ürək döyüntüsünün monitoru, nəbz oksimetri, termometr, yuxu və stressin monitorinqi funksiyası, həmçinin 100-dən çox idman rejimi, o cümlədən qolf və 30 m dərinliyə (3 ATM) dalma daxildir.
İddia edilən batareyanın ömrü daha böyük 46 mm model üçün 14 gün və 43 mm versiya üçün 7 gündür. Eyni zamanda saatın bütün günü işləməsi üçün 10 dəqiqəlik şarj kifayət edəcək.
Huawei 43 mm-lik Watch GT 3 Pro-nu 2 488 yuan (375 dollar), 46 mm-ni isə 2 688 yuan (406 dollar) qiymətinə qoyub. Bundan əlavə, şirkət 4700 yuana (709 dollar) xüsusi buraxılış Watch GT 3 Pro Porsche Design təqdim edib. Saat mayın 5-dən Çində satışa çıxarılacaq.
