UT-şirkətinin SecurityLab ekspertləri populyar brauzerdə bir neçə kritik boşluq aşkar ediblər. Onların hamısı yüksək təhlükə səviyyəsinə malikdir və məlumatların məxfiliyini təhdid edir.Öz növbəsində «Google» onların artıq istifadəçilərin kompüterlərinə hücum üçün istifadə edildiyini təsdiqləyib.»ICTinfo.az» «4Pda.ru»-ya istinadən bildiri ki,CVE-2022-0609 zəifliyinin fəaliyyət mexanizmi brauzer daxilindəki animasiya oxutma alqoritmləri ilə bağlıdır. Təcavüzkarlar zərərli kodu icra etmək və istifadəçilərin şəxsi məlumatlarını ələ keçirmək üçün Google Chrome-dakı təhlükəsizlik boşluqlarından istifadə edə bilərlər.
Mütəxəssislərin fikrincə, eksploit hakerlərə brauzerin qum qutusundan kənara çıxmağa, həmçinin qurbanın kompüterində quraşdırılmış digər proqramlar haqqında məlumat əldə etməyə imkan verir. Bundan əlavə, ekspertlər oxşar sxemdən istifadə edərək Chrome-u sındırmaq üçün daha yeddi əlaqəli üsul tapıblar.
Tədqiqat dərc edildikdən sonra «Google» brauzerin «Windows»,»Linux» və «macOS» əməliyyat sistemləri üçün yeni versiyasını (98.0.4758.102) buraxdı, orada təhlükəsizlik dəliyi düzəldilib. Şirkət mümkün haker hücumunun qarşısını almaq üçün Chrome istifadəçilərinə brauzeri ən son versiyaya yeniləməyi tövsiyə edib.
