Canalys analitik şirkətinin ekspertləri qlobal elektromobil bazarındakı vəziyyəti öyrəndikdən sonra belə qənaətə gəliblər ki, 2021-ci ildə dünyada 6,5 milyon elektrik avtomobili satılıb ki, bu da 2020-ci illə müqayisədə 109% çoxdur. Analitiklər tam akkumulyatorla işləyən elektrik avtomobilləri və plug-in hibrid avtomobilləri nəzərə alıblar. Maraqlıdır ki, 2021-ci ildə bütün qlobal avtomobil bazarı cəmi 4% artıb. Elektrikli avtomobil satışları 2021-ci ildə bütün minik avtomobil satışlarının 9%-ni təşkil edib.
Mütəxəssislərin fikrincə, tələb güclü olaraq qalırdı və daha çox elektrik avtomobili satıla bilərdi, lakin komponentlərin xroniki çatışmazlığı buna mane oldu.
Materik Çin və Avropa ölkələri dünya üzrə bütün elektrikli avtomobil satışlarının 85%-ni təşkil edib. Çində 3,2 milyon ədəd satılıb ki, bu da il ərzində həmin ölkədə satılan bütün yeni avtomobillərin 15%-ni təşkil edir. Avropada 2,3 milyon elektrik avtomobili satılıb ki, bu da yeni avtomobil satışlarının 19%-ni təşkil edir.
Müqayisə üçün qeyd edək ki, ABŞ-da 2021-ci ildə satılan yeni avtomobillərin yalnız 4%-ni elektrik avtomobilləri təşkil edib. İl ərzində burada 535 minə yaxın elektromobil satılıb.
Qlobal miqyasda satılan bütün elektrikli avtomobillərin yarısı materik Çindəki müştərilərə satılıb və Wuling Hongguang Mini EV burada ən çox satılan model olaraq qalır. Eyni zamanda, Tesla 14% payla qlobal elektrik avtomobil bazarına başçılıq edir. İkinci yerdə 12% bazar payı ilə Volkswagen Qrupu qərarlaşıb. Bazar bölgüsü təsvirdə daha ətraflı göstərilmişdir.
