IDC analitikləri qlobal planşet tədarükü baxımından ötən ilin nəticələrini yekunlaşdırıblar. Statistikaya görə, hətta komponent çatışmazlığı olsa belə, əksər əsas brendlər 2021-ci ilin sonunda tədarüklərdə artım göstərib.
«Apple» 2021-ci ildə 57,8 milyon cihaz və 34,2% bazar payı ilə tədarüklərə görə lider olub. Komponentlərin çatışmazlığı səbəbindən istehsalın müvəqqəti azalmasına baxmayaraq, şirkət ötən illə müqayisədə satışları 8,4% artırıb.
Siyahının ikinci pilləsində «Samsung» qərarlaşıb-müvafiq olaraq 30,9 milyon planşet və bazarın 18,3%-i.
Üçüncü yeri 17,7 milyon qurğu satan «Lenovo» tutub, şirkət isə tədarük həcminin artırılması üzrə lider olub (2020-ci illə müqayisədə + 19,2%). İlk beşliyə 16,1 milyon Fire seriyası planşetləri və HUAWEI (HONOR cihazları daxil olmaqla) tədarük edən Amazon da daxil idi. ABŞ-ın sanksiyaları səbəbindən Çin satıcısı ötən illə müqayisədə tədarükləri 32,1% azaldıb.
Hesabat dövrünün nəticələrinə yekun vuran IDC-nin baş analitiki Anutoopa Nataraj bildirib ki, tələbatın pik həddi keçməsinə baxmayaraq, 2021-ci ildə planşet tədarükü pandemiyadan əvvəlki dövrü üstələyən yüksək səviyyədə qalacaq. Onun sözlərinə görə, distant təhsil, distant iş və axın multimedia xidmətlərinin populyarlığının artması kimi amillər buna kömək edəcək.
