Qatlana bilən «Mate X» sxəttinin üç nəslindən sonra «Huawei» nəhayət ilk çevik qapaqlı smartfonunu-«Huawei P50 Pocket»-i təqdim etdi.Yenilik 120 Hz yenilənmə tezliyi, tərəflərinin nisbəti 21:9 və 2790 x 1188 piksel təsvir ölçülü 6,9 düymlük əsas OLED ekranla təchiz edilib. Selfi kamerası üçün yuxarıda yuvarlaq kəsik var. Bundan əlavə, arxa tərəfdə əsas kameranın yanında yerləşən kiçik 1 düymlük dairəvi ekran var. O, vaxtı, tarixi, bildirişləri və proqram vidjetlərini göstərir.
«P50 Pocke»t-in kamerası üçqatdır: əsas sensor 40 meqapiksel, iki əlavə — 13 meqapiksel və 32 meqapiksel ayırdetmə qabiliyyətinə malikdir. Məlumata görə, daha geniş rəng diapazonunu çəkir.
Qurğuda 8/12 GB RAM və 256/512 GB daxili yaddaşa malik «Snapdragon 888», həmçinin 40 Vt sürətli enerji doldurma dəstəyi ilə 4000 mAh batareya var. Smartfon «HarmonyOS» əməliyyat sistemi ilə işləyir. Əlavə seçimlərdən Wi-Fi 6, Bluetooth 5.2 dəstəyini və təmassız ödəniş üçün NFC çipinin mövcudluğunu vurğulamağa dəyər.
«Huawei P50 Pocket» standart ağ və qara rənglərdə gəlir və həmçinin xüsusi premium qızıl rəngə malikdir. Qiymət konfiqurasiyadan asılıdır:
8/256 GB yaddaşa malik versiya — 8 988 yuan;2/512 GB (qızıl) ilə versiya — 10 988 yuan.
Artıq Çində satışlara başlanılıb. Beynəlxalq bazara da çıxmaq planlaşdırılır, lakin sonra. Tarixlər hələ məlum deyil. Cihaz əvvəllər buraxılmış «Samsung Galaxy Z Flip»-ə bənzəyir, lakin ondan fərqli olaraq,»Huawei» qurğusunda cihaz bağlı olduqda ekranlar arasında boşluq yoxdur.
