«Counterpoint» tədqiqat şirkəti 2021-ci ilin üçüncü rübü üçün qlobal smartfon çipsetlərinin tədarükü ilə bağlı statistikanı açıqlayıb. 2020-ci illə müqayisədə 6% daha çox çip istehsal edilib. Eyni zamanda, beşinci nəsil şəbəkələri dəstəkləyən prosessorların tədarükü il ərzində demək olar ki, iki dəfə artıb.
Bazar lideri hələ də bütün göndərilən çiplərin 40%-ni təşkil edən «MediaTek»-dir, halbuki bir il əvvəl bu rəqəm 33% idi.»Qualcomm»-un payı 27% təşkil edir ki,bu da əvvəlki rübdən 9% çoxdur, lakin 2020-ci ilin üçüncü rübündən 1% aşağıdır. Analitiklərin fikrincə, yeni Snapdragon 7.6 və 4 seriyalı prosessorlar şirkətə 2021-ci ilin dördüncü rübündə payını artırmağa kömək edəcək.
«Apple»-ın payı bir il əvvəl 12%-dən 15%-ə yüksəlib. Unisoc tədarüklərdə əhəmiyyətli artım gözləyir, çünki onun prosessorları «Honor»,»Realme»,»Motorola»,»ZTE» və «Transsion» kimi şirkətlər tərəfindən qəbul edilir.
«Samsung Exynos» cəmi 5%-lə qlobal reytinqdə beşinci yerdə qərarlaşıb. Eyni zamanda, bir il əvvəl o, bazarın 10%-ni tuturdu. Bunun səbəbi istehsalçının yeni orta səviyyəli və ya büdcəli «5G» çiplərini buraxmamasıdır.
