«AnTuTu» tərtibatçıları «Android» əməliyyat sistemi ilə işləyən ən məhsuldar smartfonların aylıq reytinqini dərc ediblər.İlk on lider oktyabrla müqayisədə noyabrın sonunda bəzi dəyişikliklərə məruz qalıb.
«ICTinfo.az» «4Pda.ru» resursuna istinadən bildirir ki,performans baxımından şəksiz lider «Black Shark 4S Pro» olaraq qalır.16 GB RAM ilə birləşdirilmiş «Snapdragon 888+» prosessoru ona orta hesabla 875,382 xal toplamağa imkan verir. Ona ən yaxın «Red Magic 6S Pro», üçüncü yeri isə «iQOO 8 Pro» tutub. Hər üç smartfon eyni «Snapdragon 888+» çipseti ilə işləyir.
Dördüncü yerdə «Snapdragon 888» prosessorlu «Black Shark 4 Pro» qərarlaşıb ki, bu da onun «Vivo X70 Pro +» və daha güclü «Snapdragon 888+» ilə təchiz edilmiş «ASUS ROG Phone 5S»-i qabaqlamasına mane olmayıb. Yeddinci yerdə, eynilə bir ay əvvəl olduğu kimi «iQOO 8» durur. Siyahıda sonrakı yerləri «Legion Phone Duel 2″,»OPPO Find X3 Pro» və «Realme GT» tutur. Əvvəlki reytinqdə səkkizincidən onuncu yerə qədər müvafiq olaraq «Meizu 18 Pro», «OnePlus 9 Pro» və «OPPO Find X3 Pro» qərarlaşıb.
Yeni «Qualcomm Snapdragon 8 Gen 1» və «MediaTek Dimensity 9000» prosessorları artıq istifadəyə verildiyi üçün önümüzdəki aylarda reytinq çox dəyişməlidir.
