“TrendForce” tədqiqat şirkəti bu ilin üçüncü rübündə qlobal smartfon bazarındakı vəziyyəti təhlil edib: 2021-ci ilin ikinci rübü ilə müqayisədə smart mobil cihazların istehsalının 5,7% artdığı bildirilir. Bununla belə, pandemiyadan əvvəlki səviyyəyə çatmaq hələ də mümkün deyil.
“ICTinfo.az” “ixbt.com” resursuna istinadən bildiri ki,iyul-sentyabr ayları daxil olmaqla, təxminən 325 milyon smartfon istehsal edilib. Bu, 2020 və 2019-cu ilin üçüncü rübü ilə müqayisədə azdır.
Analitiklər elektron komponentlərin davamlı çatışmazlığından danışırlar.Belə bir vəziyyətdə “TrendForce” 2021-ci ildə smartfonların həcminə dair proqnozu əvvəllər qeyd edilən 1,345 milyard ədəd əvəzinə 1,335 milyard ədədə endirməyə məcburdur. 
Beləliklə, 2020-ci ilə nisbətən artım 6,5%-dən çox olmayacaq.
Cənubi Koreya nəhəngi “Samsung” üçüncü rübdə cihazların istehsalını bu ilin ikinci rübü ilə müqayisədə 17,9% – 69 milyon ədədə qədər artırıb.”Apple”-ın artımı 22,6%, yekun nəticə isə 51,5 milyon ədəd təşkil edib.”Oppo” istehsal həcmini 3% – 51 milyon ədədə qədər artırdı.”Xiaomi” istehsal həcmində 10 faiz azalma qeydə alıb: üç ayda 44,5 milyon cihaz istehsal edilib.”Vivo” smartfon istehsalını əvvəlki rübün səviyyəsində saxlayıb, 34 milyon ədəd.
