“SpaceX” şirkətinin “Starlink” qlobal peyk internet xidməti tərəfdaş hava yollarının bir neçə təyyarəsində internetin sınaqlarına başlayıb.»ICTinfo.az» «3dnews.ru» resursuna istinadən bildirir ki,operator avialaynerləri daha sürətli internetlə təmin etmək niyyətindədir.
«Starlink» hazırda uçuş zamanı sərnişinlər üçün genişzolaqlı internet təmin etmək üçün bir neçə aviaşirkətlə danışıqlar aparır. Danışıqlar uğurlu olarsa, şirkət «Viasat», «Intelsat», «Telesat» və analoji xidmət göstərən digər provayderlərə birbaşa rəqib olacaq.
«Starlink» hazırda öz zavodunda həftədə altı peyk istehsal edir və tədricən kosmik texnologiyanın daha müasir versiyalarının istehsalına keçir. Test nəticələri və danışıqların mərhələsi daha sonra açıqlanacaq.
Space Exploration Technologies Corp. («SpaceX» rəsmi olaraq belə adlandırılır), bütün dünyada yüksəksürətli interneti təmin etmək üçün 30.000-dən çox peykdən hörmçək toru yaratmaq üzərində işləyir.
