Desarrollo País Assosiasiyası, Çili telekommunikasiya tənzimləyicisi Subtel və Maralyanes bölgəsi (Cənubi Çili) Antarktidaya sualtı internet kabelinin çəkilməsi üçün genişmiqyaslı layihə üzərində işləmək üçün müqavilə imzalayıb.
«ICTinfo.az» «3dnews.ru» resursuna istinadən bildiri ki,yeni xəttin tikintisi təsdiqlənərsə, uzunluğu təxminən 1000 km olacaq. O, kiçik Çili şəhəri Puerto Uilyams və Argentina, Braziliya, Çin, Peru, Polşa, Rusiya, Uruqvay, Çili və Cənubi Koreyaya aid bir neçə tədqiqat stansiyasının yerləşdiyi Cənubi Şetland adalarının ən böyüyü olan King George adasını birləşdirəcək.
İmzalanmış müqavilə texniki, hüquqi, iqtisadi və maliyyə qiymətləndirmələrinin aparılmasını nəzərdə tutur. Bundan əvvəl sənaye mütəxəssislərinin iştirakı ilə məsləhətləşmələr aparılacaq. Antarktidaya internet kabelinin çəkilməsi layihəsinin təxmini dəyəri və vaxtı hələlik açıqlanmayıb.
Qeyd edək ki, Puerto Uilyamsın layihənin başlanğıc nöqtəsi olmaq üçün hər cür şansı var. Bu şəhər və liman Navarino adasında (Tierra del Fueqo arxipelaqı) Beagle kanalının sahilində yerləşir. Burada mövcud şəbəkə infrastrukturu Pataqoniyada 4600 km-dən çox fiber optik xətlərin çəkilməsini nəzərdə tutan Fibra Optica Austral layihəsinin bir hissəsidir. Bu, yeni sualtı xəttin qoşulmasını sadələşdirəcək.
