Dronla çatdırılma sistemləri hələ də bir çox sual yaradır. Xüsusilə, pilotsuz çatdırılma zamanı evdə heç kim yoxdursa, bağlamanı hara qoymalı sualı açıq qalır?Bundan çıxış yolu tapan “DroneDek” şirkəti «ağıllı» poçt qutusu hazırlayıb.
İlkin test sınaqları kimi Amerika Birləşmiş Ştatlarının İndiana ştatının mərkəzi İndianapolisdə şirkət evin divarına etibarlı şəkildə bərkidilə bilən “ağıllı” poçt qutusu qurub.
Çatdırılma poçt qutusunun özü tərəfindən yayımlanan GPS koordinatları əsasında həyata keçiriləcək. Bağlama çatdırılma yerinə çatdıqdan sonra İHA qutuya xüsusi kod ötürəcək, onu aldıqdan sonra qutunun qapağı açılacaq. Öz növbəsində dron xüsusi kəndirlə bağlamanı konteynerə endirəcək. Bundan sonra qapaq bağlanacaq və dron bazaya uçacaq. Lazım gələrsə, simsiz doldurma üçün qutuya eniş enəcək.
İçəridə «DroneDek» sifarişi müəyyən etmək üçün bağlamanın QR kodunu skan edəcək və sonra onun çatdırılması barədə məlumat verərək sahibi ilə əlaqə saxlayacaq. İstənilən halda istifadəçi hətta video link vasitəsilə bağlamaya baxa bilər — içəridə kamera və işıqlandırma var. Qida və ya dərman saxlanılması lazım olan məhsulların da temperaturun avtomatik tənzimlənməsinin olacağı gözlənilir.
Bundan əlavə çoxfunksiyalı poçt qutusu bağlamaları sterilizasiya edə, onların səthindəki virus və bakteriyaları öldürə biləcək.
Modeldən adi poçt qutusu kimi də istifadə etmək olar.Kuryerlər dronlar kimi məktub və bağlamaları oram yerləşdirə biləcəklər.
Sistemin gələn ilin əvvəlində istifadəyə veriləcəyi, yeni məhsulların qiymətinin daha sonra açıqlanacağı gözlənilir.
