“Apple” gözlənilmədən “Self Service Repair” proqramını elan etdi.Bu, zəmanəti itirmədən brend avadanlıqların “evdə”,yəni öz tanıdıqları ustalara təmirini həyata keçirməyə imkan verir.”ICTinfo.az” “4Pda.ru” resursuna istinadən bildirir ki,şirkət istifadəçilərin qurğuları üçün birbaşa orjinal komponentləri ala biləcəkləri proqramın ilkin buraxılışının vaxtını və coğrafiyasını açıqlayıb.
İlkin olaraq ABŞ-da “iPhone 12” və “iPhone 13” smartfonlarının sahibləri “Self Service Repair” proqramından istifadə edə biləcəklər. “Apple” daha sonra 24 düymlük “iMac” daxil olmaqla “MacBook Air”, “MacBook Pro 13” və “M1” prosessorlu “Mac” kompüterlərini şəxsi təmir etmə imkanlğını yaratmağı planlaşdırır.
Lazımi orijinal komponentləri şirkətin rəsmi saytında almaq mümkün olacaq. Onlayn mağazada təmir alətləri də daxil olmaqla 200-dən çox məhsul təqdim ediləcəyi gözlənilir. “Apple” ilk növbədə smartfonlar üçün displey, kamera və akkumulyator təklif etməyi planlaşdırır. Çeşidlərin daha da genişləndirilməsi gözlənilir.
Şirkət həmçinin istifadəçiləri lazımi təlimatlarla təmin edəcək, bunun sayəsində təmir xidmət mərkəzinin köməyi olmadan həyata keçirilə bilər. Proqramın işə salınması 2022-ci ilin əvvəlinə planlaşdırılır. Şirkət digər bölgələrdə də xidməti aktivləşdirməyi daha sonra həyata keçirəcək.
