İqlim problemlərinə həsr olunmuş “COP26″ konfransında alman şirkəti gələcəyin avtomobil sənayesin dəyişəcək texnologiya təqdim etdi.”ICTinfo.az” “4Pda.ru” resursuna istinadən bildirir ki,”Sustaineer” furqonu təkcə ekoloji cəhətdən təmiz olan elektrik mühərrikinin olması ilə deyil,həm də texnoloji cəhətdən ətraf mühiti təmizləmək qabiliyyətinə malikdir.
Konsepsiya müasir texnologiyalardan istifadə etməklə ekoloji yükün azaldılması ətrafında qurulub.İncə havanın təmizlənməsi üçün filtrlər avtomobilin sürətindən asılı olmayaraq öz vəzifələrinin öhdəsindən səmərəli şəkildə gələ bilirlər.Seramik örtüklü çuğun disk əyləcləri havadakı tozu azaldır və xidmət müddətini uzadır. Bundan əlavə,dam örtüyündə xüsusi günəş panelləri yerləşdirilib ki,bu da əlavə enerji verəcək.
Tamamilə səssiz elektrik ötürücü sistemi aşağı yuvarlanma müqavimətinə malik təkərlər və avtomatik açılan qapının köməyi ilə əlavə səsləri azaldır.Kamera təhlükəsizlik üçün cavabdehdir, yolda aşkar edilmiş çuxurlar və digər təhlükələr barədə həm özünə,həm də digər nəqliyyat vasitələrinə məlumat verə bilir. Rəqəmsal güzgülər ənənəvilərdən daha aydın görünüş təmin edir.
“Sustaineer” hələlik istehsala girməsə də, texnologiyanın bəziləri yaxın gələcəkdə “Mercedes” avtomobillərində görünə bilər.
