İlk müstəqil kommersiya kosmik stansiyası 2027-ci ilə qədər yaradıla bilər. TASS xəbər verir ki, bu barədə Amerikanın «Lockheed Martin» korporasiyasının saytında dərc olunub.
Lockheed Martin-in ABŞ-ın Milli Aeronavtika və Kosmik Tədqiqatlar İdarəsi ilə birgə ABŞ-ın özəl şirkətləri Nanoracks və Voyager Space ilə işləyəcəyi gözlənilir.
“Starlab” adlandırılan layihə “vacib elmi araşdırmalar aparmaq, istehsalı stimullaşdırmaq və aşağı Yer orbitində ABŞ-ın mövcudluğunu saxlamaq” məqsədi daşıyır. Starlab-ın 2027-ci ilə qədər ilkin əməliyyat hazırlığına çatması gözlənilir.
Stansiyanın şişmə korpus modulu, dok modulu, mühərrik bölməsi, robot qol və laboratoriyadan ibarət olacağı planlaşdırılır. Stansiya uzunmüddətli əsasda dörd astronavtı qəbul edə biləcək. Bundan əlavə, Starlab kosmik turistləri qəbul edə və müxtəlif kommersiya və biznes layihələrinin həyata keçirilməsində iştirak edə biləcək.
