Tezliklə populyar «Instagram» sosial şəbəkəsi hər kəsdən doğum gününü qeyd etməsini tələb edəcək.Yaşın yazmayan istifadəçi tətbiqdən istifadə edə bilməyəcək.»ICTinfo.az» «hi-tech.mail.ru» resursuna istinadən bildirir ki, «Instagram» bu ilin əvvəlində 18 yaşdan aşağı istifadəçiləri qorumaq üçün hazırlanmış bir sıra yeni xüsusiyyətlərin istifadəyə veriləcəyini açıqladı. Bu xüsusiyyətlərə məsələn, uşaqlara kimin mesaj göndərə biləcəyinə dair məhdudiyyətlər daxildir.» İnstaqram» indi daha kiçik istifadəçilərə qarşı böyüklərin başqa davranış əlamətlərini aşkar etməyi asanlaşdırmaq üçün əsas yaş yoxlayıcısı əlavə edəcəyini söyləyir.
Hələ yaşınızı əlavə etməmisinizsə tezliklə «Instagram» sizdən doğum tarixinizi əlavə etməyinizi istəyəcək.Müəyyən bir vaxta qədər məlumat paylaşmadığınız təqdirdə,»Instagram» müvafiq məlumatı verənə qədər hesabı bloklayacaq.
Şirkət yanlış doğum tarixi qeyd edən istifadəçiləri aşkarlamaq, mesajları təhlil etməklə bir insanın əsl yaşını göstərdiyini müəyyən etmək üçün hazırlanmış yeni bir alqoritmdən istifadə etməyi planlaşdırır.
«Bəzilərinin doğum gününü səhv qeyd edəcəyini bilirik və bu problemi həll etmək üçün yeni sistemlər hazırlayırıq.Bu yaxınlarda paylaşdığımız kimi, Happy Birthday kimi mesajlara əsasən insanların yaşını hesablamaq üçün süni intellektdən istifadə edirik.» yayılan məlumatda bildirilir.
«İnstagram» xüsusi olaraq 13 yaşdan kiçik uşaqlara yönəlmiş bir versiyasını buraxmağı planlaşdırdığı məlumdur.Belə bir həll, şirkətin xüsusilə həssas bir onlayn auditoriyanı hədəf almağa çalışdığı üçün məxfilik qorunmasının gücləndirilməsinə diqqət yetirilməsini tələb edir.
