“Qualcomm” şirkəti bahalı smartfonlar üçün “Snapdragon 870” adlı yeni mobil prosessorunu təqdim edib. İstehsalçı prosessoru rəsmən təqdim edib.
“ICTinfo.az” “itc.ua”-ya istinadən bildirir ki, “Snapdragon 870” prosessoru “Snapdragon 865 ” və “Snapdragon 888” modelləri arasında aralıq mövqe tutacaq.
“Qualcomm Snapdragon 870” prosessoru 7 nm-lik texnoloji proses üzrə hazırlanıb. Mərkəzi prosessor 3,2 QHs takt tezlikli “Cortex-A77” məhsuldar nüvəsindən, 3 ədəd “Cortex-A77” və 4 qənaətcil “Cortex-A55” nüvələrindən ibarətdir. Prosessorun qrafik imkanlarını “Adreno 650” video sürətləndiricisi təmin edir. Prosessor tezliyi 144 hersədək olan və 1440p təsvir ölçüsünə malik ekranları, 200 Mp-dək kameraları və 8K formatınadək videoların çəkilişini dəstəkləyir.
