«Apple» şirkəti 2024-cü ilədək qabaqcıl batareya texnologiyası ilə təchiz edilmiş sərnişin avtomobili istehsal etmək niyyətindədir. Bu barədə öz mənbələrinə istinadən «Röyters» agentliyi məlumat verib.ABŞ şirkəti hələ 2014-cü ildə «Project Titan» kimi tanınan layihə çərçivəsində öz avtomobilinin hazırlanması ilə məşğul olmağa başlayıb. Məlumata görə, o vaxtdan etibarən şirkət bu istiqamətdə xeyli irəliləyib və indi öz müştəriləri üçün avtomobil istehsal etmək niyyətindədir. «Apple»ın planları hələ ki rəsmən açıqlanmayıb.
