“HUAWEI” şirkəti beşinci nəsil şəbəkələrini dəstəkləyən sürücüsüz avtomobillərini ictimai yollarda istismara verməklə koronavirus pandemiyası ilə mübarizədə iştirak edib.“ICTinfo.az” “4pda.ru” saytına istinadən yazır ki, “HUAWEI” şirkətinin sürücüsüz avtomobilləri Tailandda istismara verilib.Burada 3000-dən çox adamda “COVID-19”-a yoluxma qeyd alınmasına baxmayaraq,yerli hakimiyyət sayıqlığı itirmir və xəstəliyin ikinci dalğasına hazır olmaq üçün mümkün olan hər şeyi edir.Məhz bu məqsədlə Çin şirkətinin “5G” sürücüsüz avtomobillərindən istifadə olunur. Onların köməyi ilə ölkənin ən köhnə və ən böyük xəstəxanalarından birinə dərmanların çatdırılması həyata keçirilir.
“HUAWEI”nin avtomobilləri dərmanların vaxtında çatdırılmasını və koronovirus xəstələrinə ilk yardımın göstərilməsi üçün lazım olan hər bir şeyi təmin etməklə logistikanı xeyli yaxşılaşdırmağa kömək edib.
