“Apple” korporasiyası öz kompüterlərində «Intel” prosessorlarından imtina edib.“ICTinfo.az” “iz.ru” saytına istinadən yazır ki, korporasiyanın rəsmisi bildirib ki,indi «Apple» «iPhone» və «iPad» üçün prosessorların istehsalında çoxillik təcrübədən istifadə edərək yeni “Mac” kompüterlərində öz istehsalı olan çiplərdən istifadə edəcək.Bildirildiyə görə,istehsalçı ARM arxitekturasına bütün proqramları köçürmək üçün elə də problemlə qarşılaşmayacaq.Məlumata görə, yeni prosessorlar daha yaxşı məhsuldarlıq, enerji səmərəliliyi, digər aparat və proqram təminatı ilə uyğunluq təmin edir. Bu halda çiplər “iPhone” və “iPad”da istifadə olunandan fərqlənəcək.
Yeni prosessorlara keçidi elan edən “Apple”ın direktoru Tim Kuk deyib ki, şirkətin öz istehsalı olan çiplərə keçidi tarixi hadisədir.O əlavə edib ki,hələlik «Apple» ilin sonuna kimi «Intel» prosessorları ilə kompüter istehsal etməyə davam edəcək və 2020-ci ilin sonuna kimi ARM-çiplə ilk qurğular təqdim edəcək .
