«Twitter» sosial şəbəkəsi profilindən istifadə etməyən istifadəçilərə xəbərdarlıq göndərib.Xəbərdarlıqda deyilir ki,6 aydan çox istifadə edilməyən sosial şəbəkəyə giriş üçün öz loqin və parollarından istifadə edilməsə, o zaman onların hesabı deaktiv ediləcək.
«ICTinfo.az» «iz.ru» saytına istinadən yazır ki, aktiv olmayan profillərin bağlanması şirkətin siyasətinə və istifadəçi razılaşmasına zidd deyil.
Hələ ki «Twitter» yeni istifadəçilərin qeydiyyat zamanı aktiv olmayan hesabların bağlanması nəticəsində boş qalmış nikneymlərdən istifadə etməsi ilə bağlı məlumat verməyib. Sosial şəbəkənin nümayəndəsi bildirib ki, «təmizləmə» uzunmüddətli proses olacaq. Həmçinin dünyasını dəyişmiş istifadəçilərin hesabları silinəcək.
