“Xiaomi” şirkəti “Mi10” smartfonunun təqdimat tarixini rəsmən təsdiqləyib.“ICTinfo.az” “4PDA” resursuna istinadən yazır ki, “Xiaomi Mi10” smartfonunun şirkətin onilliyinə həsr ediləcəyi ilə əlaqədar mühəndis və proqramçılar tərəfindən ona böyük diqqət yetiriləcək. Qurğunun əsasını ötən ilin sonunda “Qualcomm” şirkəti tərəfindən rəsmən təqdim edilən qabaqcıl “Snapdragon 865” prosessoru təşkil edəcək.
Smartfon martda nümayiş olunacaq. Lakin bir sıra mənbələrin məlumatına görə, qurğu fevralın 10-da – qabaqcıl “Samsung” qurğularının buraxılışı ərəfəsində təqdim ediləcək.
Şirkətin yaradıcısı L.Binin sözlərinə görə, şirkət 2020-ci ildə beşinci nəsil mobil rabitə şəbəkəsini (5G) dəstəkləyən ona yaxın müxtəlif smartfonun buraxılışını planlaşdırır.
