“Samsung” “Apple” korporasiyasını 2017-ci ilin əvvəlinə qədər 100 milyon ədəd OLED-ekranla təmin etməyə hazırdır.“svopi.ru” saytının məlumatına görə, məlum olub ki, “Apple” istehsalçısı aksesuarların alışı ilə bağlı bir sıra müqavilələr bağlamağa başlayıb.
İki rəqib arasında imzalanan müqavilə 2,59 milyard dollar dəyərində qiymətləndirilir. Bu məbləğ ondan xəbər verir ki, gələn ilin əvvəlinə “Samsung” “Apple” korporasiyası üçün diaqonalı 5,5 düym təşkil edən OLED ekranlar tədarük edəcək.
Cənubi Koreya şirkətinə gəldikdə, demək olar ki, şirkət böyük həcmli sifarişlərə hazırlaşaraq OLED texnologiyasının inkişafına 7 milyard dollar investisiya edib.
Gözlənilir ki, OLED-ekranlı ilk “iPhone” 2017-ci ilin sonuna qədər bazara çıxarılacaq. Ancaq hələlik “Apple” korporasiyasında aksesuar istehsalçısının keyfiyyətli məhsul edəcəyindən narahatdırlar. Çünki yuxarıda adı çəkilən texnologiyanın istehsalı olduqca vaxt aparan işdir.
