“Twitter” sosial şəbəkəsi tvitlərin altında xüsusi düymənin yaradıldığını bəyan edib.Şirkətin yaydığı məlumata görə, bu xüsusi düymə istənilən yazını istifadəçinin şəxsi məlumatlarına göndərməyə imkan verəcək.“Twitter” komandası qeyd edib ki, istifadəçilər daha çox “direct messages”dən, yəni şəxsi məlumatlardan istifadə etməyə başlayıb. Bundan başqa, istifadəçilərin şəxsi yazışmada bölüşdükləri tvitlərin sayı yarım il ərzində 200 faiz artıb. Bununla bağlı olaraq “Twitter” istifadəçilərin iki toxunuşla tvitlərini bölüşmək üçün xüsusi düymə əlavə etmək qərarına gəlib. İlkin mərhələdə bu funksiya iOS və “Android” əməliyyat sisteminin əlavələrində mövcud olacaq.
