“WhatsApp” messencerinin istehsalçıları proqramın beta-versiyasının “Android” planşetlərdə tətbiqi haqqında açıqlama yayıb.Qeyd edilən qurğu sahibləri yeniliyi test edə bilər.
“ICTinfo.az” “dni24.com” resursuna istinadən bildirir ki,bu halda istifadəçi “Google Play” mağazasından beta-versiyanı “Android” əməliyyat sistemi əsasında işləyən planşet kompüterinə yükləyə bilər. Ekspertlər qeyd edirlər ki, daha əvvəl bunun üçün yad resurslardan qurma arxivini yükləmək lazım idi. Bu halda proqram yalnız SIM-kartlar üçün slotla təchiz edilmiş qurğularda işləyirdi. Ancaq planşet və smartfon üçün proqramları sinxronlaşdırmaq hal-hazırda mümkün deyil.
Analitiklərin sözlərinə görə, planşetlərdə proqramın beta-testinin startı onu göstərir ki, tezliklə messencer bu qurğularda əlçatan olacaq.
