«Vivo» şirkəti Rusiyada keçiriləcək futbol üzrə Dünya çempionatının rəsmi partnyorudur və bu münasibətlə Çində qırmızı və göy rənglərdə olmaqla iki yeni smartfon təqdim etdi. Bu rənglər Rusiya Federasiyasının bayrağını simvollaşdırdığından istehsalçı bu rənglərə üstünlük verib. Ancaq bu halda ağ rəng smartfonun olmamağı müəyyən suallar doğurur. Arxa paneli xüsusi ornamentlə bəzənmiş hər iki qurğu çempionatın rəsmi smartfonu olacaq.
«ICTinfo.az» «vistanews.ru» resursuna istinadən bildirir ki,qurğunun xarakteristikaları şirkət tərəfindən buraxılan smartfonlar üçün standart olacaq.
«Vivo X21 FIFA World Cup Edition» barmaq izləri birbaşa ekranda olan 6,3-düym ekran,12 və 5 meqapiksel ikiqat kamera ilə təchiz edilmişdir.Əməli yaddaş həcmi 6 Qiqabayt təşkil edəcək.
Bildirilir ki, smartfon futbolçulara, hakimlərə və məmurlara hədiyyə ediləcək. Qurğu 22 maydan satışda olacaq.Qiyməti hələlik açıqlanmayıb.
