Bu gün Belarusiyanın paytaxtı Minsk şəhərində XXV «TİBO-2018» informasiya kommunikasiya texnologiyaları beynəlxalq sərgi-forumu öz işinə başlayıb.
Ümumilikdə, sərgidə 15 ölkədən (Belarus, Azərbaycan, Böyük Britaniya, Misir, Qazaxıstan, Qırğızıstan, Ermənistan, Çin, Litva, Polşa, Rusiya, ABŞ, Türkiyə, Ukrayna, Yaponiya) 120-dən çox şirkətin iştirak edəcəyi gözlənilir.Tədbirdə ölkəmizi Nəqliyyat, Rabitə və Yüksək Texnologiyalar Nazirliyinin nümayəndə heyəti təmsil edir və Azərbaycan ayrıca milli pavilyon ilə çıxış edir.
Bu il «TİBO» robot texnologiyası, yeni mobil xidmət və tətbiqlər, şəhər sektoru və mənzil-kommunal təsərrüfatları üçün informasiya texnologiyaları, coğrafi informasiya və naviqasiya texnologiyaları sahəsindəki nailiyyətlər nümayiş etdiriləcək.Təşkilatçılar diqqəti, əsasən, startapların dəstəklənməsinə və gənclər arasında İT-nin populyarlaşdırılmasına yönəldəcək.
İlk dəfə «TİBO-da» bu gün Avrasiya rəqəmli forumu keçirilir. Bundan başqa əsas mövzusu buludlu texnologiyalar olacaq II Belarusiya İKT-sammiti planlaşdırılmışdır.Burada əşyaların interneti, süni intellekt, əlavə edilmiş və virtual reallıq, blokçeyn, modelləşdirmənin 3D-texnologiyaları təqdim edilcək.
Forumun işi 18 mayadək davam edəcək.
Qeyd edək ki, Azərbaycan «TİBO» sərgisinə müntəzəm olaraq qatılır.1994-cü ildən keçirilən “TİBO” Müstəqil Dövlətlər Birliyi və Baltikyanı ölkələrin ən böyük İKT tədbirlərindən biri hesab olunur.
