«Uber» şirkətinin 2020-ci ildə sərnişinlərə xidmət göstərəcək uçan taksisinin prototipini jurnalistlərə göstərib.Şirkət həmçinin bu həftədə Los-Ancelesdə keçəcək «Uber Elevate Summit» tədbirində uçan taksinin prototipini təqdim edəcək.
Aparatın korpusu vertalyotdan daha çox təyyarəyə oxşayır.»Uber»-in uçan taksisi elektrikdə işləyəcək.Buna görə taksi adi vertolyotdan daha sakit, daha effektiv və daha qənaətli olacaq.
Nümayiş edilən hava taksisi enmə zamanı yığılan dörd üfüqi fırlanan vintlə təchiz edilib. Beşinci rotor aparatın quyruq hissəsində yerləşir və irəliyə hərəkət üçün istifadə olunur. Tam elektrik olacaq taksi 300-400 metr hündürlükdə hərəkət edəcək.Enmə meydançaları hündürmərtəbəli binaların damlarında yerləşəcək. Onların hər biri 200 uçuş və enmə qəbul edə biləcək. Yeni nəqliyyatın yola sərf edilən vaxtı 30 dəqiqədən 5 dəqiqəyədək azaltmağa kömək edəcəyi nəzərdə tutulur.
