«LG Electronics» şirkəti öz yeni qabaqcıl «LG G7 ThinQ» smartfonunu təqdim etdi.»LG G7 ThinQ» «iPhone X»-ın ekranın kəsiyi ilə çərçivəsiz dizaynına oxşar, ikiqat əsas kamera və arxa paneldə barmaq izlərinin skaneri formasında hazırlanıb.
«ICTinfo.az» «ferra.ru»-ya istinadən bildirir ki,»Google Assistant» səs köməkçisinə giriş üçün ayrı düymə nəzərdə tutulub. Korpus «Gorilla Glass 5» qoruyucu şüşəsi və metal çərçivə ilə hazırlanıb.
Smartfon “Qualcomm Snapdragon 845” prosessoru, tərəflər nisbəti 19,5:9 olan və “Quad HD+” (3120×1440 piksel) təsvir ölçülü 6,1 düymlük ekran, 8 meqapiksellik ön kamera, ikiqat əsas kamera (16+16 meqapiksel) ilə təchiz edilib.
“LG G7 ThinQ” aparatının standart versiyası 4 QB əməli və 64 QB daxili fləş yaddaş, “LG G7+ ThinQ” isə 6+128 QB ilə təchiz edilib. Hər iki halda “microSD” formatlı kartla yaddaşı 2 TB-dək artırmaq imkanı nəzərdə tutulub. Akkumulyator «Quick Charge 3.0» sürətli və simsiz yükləmə imkanıyla 3000 mAs həcmə malikdir.
4G VoLTE , Wi-Fi (802.11 ac), Bluetooth 5 LE, GPS, NFC dəstəklənir, USB Type-C port və 3,5-millimetr qulaqlıqlar üçün slot var.Smartfon «LG UX» interfeysi ilə «Android 8.0 Oreo» əməliyyat sisteminin altında işləyir.
Smartfon «IP68» səviyyəsində sudan və tozdan qorunmaqla yanaşı, möhkəmlik üzrə «MIL-STD 810G» hərbi standartına cavab verir. Ölçülər 153,2 x 71,9 x 7,9 millimetr çəkisi 162 qram təşkil edir.
Yaxın günlərdə «LG G7 ThinQ» Cənubi Koreyada sonra digər regionlarda satışa çıxacaq.
