«Huawei» şirkəti «Android» əməliyyat sistemini əvəz etməsi üçün yeni mobil əməliyyat sistemi hazırlayır.»ICTinfo.az» «hi-tech.mail.ru» resursuna istinadən bildirir ki,hazırda «Google» əməliyyat sistemi bütün dünya,hətta Çin bazarında üst mövqe tutur.
«Huawei»-nin öz əməliyyat sistemini yaratmasına səbəb «Google»-un «Huawei» qurğularında «Android» quraşdırılması üçün lisenziyanı geri ala bilməsi ehtimalıdır.
Məlumata əsasən yeni mobil sistem «qara günə» yaradılır.Əgər «Google» sanksiyalar tətbiq edərsə, onda əməliyyat sistemi dövriyəyə buraxılacaq. Hələlik şirkət yenilik haqqında açıqlama vermək istəmir.Bir tərəfdən də bu əməliyyat sisteminin digər istehsalçıların qəbul edəcəyi sual altındadır.
İndi bazarda «Android» və «iOS»-dan üstün əməliyyat sistemləri yoxdur.»Samsung» şirkətində «Gear S» «ağıllı» saatlarda və bir neçə korporativ smartfona qurululan «Tizen» var.»Microsoft» bir neçə ildir ki,»Windows Phone» sisteminin inkişaf etdirmir və o tədricən arxa plana keçir.
