İnternetdə tez-tez «iPhone SE 2» haqqında yeni məlumatlar yayılır. Bu dəfə hələ istifadəyə verilməyən smartfonun video görüntüsü yayılıb.Ancaq Çinin «Weibo» soaial şəbəkəsində yayılan videoda smartfonun həqiqi «iPhone SE2» olması şübhəli görünür.
“Apple” şirkəti ikinci nəsil “iPhone SE” smartfonun «WWDC-2018» konfransı çərçivəsində təqdim edəcəyi gözlənilir.
“ICTinfo.az” “macdigger.ru” resursuna istinadən yazır ki, ikinci nəsil ucuz smartfon “iPhone X Plus” modelinin təkmilləşdirilmiş versiyasında buraxılacağı gözlənilir.
“iPhone SE” modelini əvəzləyəcək “iPhone SE 2” smartfonu “Apple A10” prosessoru daxil olmaqla ötən il buraxılan “iPhone 7”-nin eyni texniki imkanlarına malik olacaq. Bununla yanaşı, yeni qurğunun 4 düym diaqonallı dizayn və “Touch ID” barmaq izi skanerini saxlayacağı qeyd olunur.
