Məlumatların ötürülməsində görünən işıq şüalarından istifadəyə əsaslanan “Li-Fi” texnologiyası üzərində təcrübə aparılır.Yeni texnologiya fransız startapı Oledkom tərəfindən Barselonanın ən böyük texnoloji yeniliklər sərgisi olan Mobil Dünya Konqresində nümayiş etdirilib. Tədqiqatçılar 200 Gb-dən yüksək sürətlə saniyədə 23 DVD yükləməyə nail olublar. Sınaqdan keçirilmiş “Li-Fi” texnologiyasında 1 Gbit/san sürət qeydə alınıb ki, bu da orta statistik “Wi-Fi” (təqribən 10 Mbit/san) şəbəkəsindən 100 dəfə yüksəkdir.Oledkomun rəhbəri və təsisçisi Suat Topsunun sözlərinə görə, “Li-Fi” texnologiyasının ən üstün cəhəti onun işıqlandırma sürətidir. Bu yaxınlarda “iOS 9” mobil əməliyyat sisteminin son versiyasında “Li-Fi” texnologiyasından istifadə olunub.
Qeyd edək ki, “Li-Fi” texnologiyasının əsas xüsusiyyəti smartfonun internet şəbəkəsinə adi lampa vasitəsilə qoşulmasıdır. Yeni texnologiya hava vasitəsilə məlumatların ötürülməsi üçün saniyədə min dəfədən çox yanıb-sönən LED lampaların yaratdığı tezliklərdən istifadə edir. Məhz bu cəhət onu Morze əlifbasının rəqəmsal ekvivalenti adlandırmağa əsas verir.
