“Apple” şirkəti Avropada “ağıllı” parçaya patenti aldı.”Ictinfo.az” “ixbt.com”-a istinadən bildirir ki,belə parça elektron qurğu üçün qayış və çexolların hazırlanmasında,həmçinin mebel və ya geyimdə istifadə etmək mümkün olacaq.
“Ağıllı” parça toxunmalara və ya deformasiyaya həssas müəyyən xüsusiyyətlərə malik keçiricilik qabiliyyətli liflərdən ibarətdir.Bu liflər tək sap və ya bürmələnmiş formada ola bilər. Bundan başqa parçada başqa komponentlər üçün boşluqlar formalaşdırıla bilər. Başqa komponentlər həmçinin elektrik və mexaniki əlaqələrin köməyi ilə parçaya bərkidilə bilər.
Yeniliyi ixtira edənlər sırasında adı çəkilən Daniel Podhajny “Nike” şirkətindən “Apple”-a yeni gəlib. “Nike”-ın ən azı on patentində bu şəxsin adı keçir.
