“Xiaomi” şirkəti smartfon həvəskarlarının çoxdan gözlədiyi “Rеdmi 5” və “Redmi 5 Plus” smartfonlarını təqdim etdi.Smartfonlar bugünkü tələblərə uyğun olaraq tərəflərinin nisbəti 18:9 nazik çərçivəli ekran və “Qualcomm Snapdragon” prosessoru ilə təchiz olunub.
“Ictinfo.az» “Life”-ya istinadən bildirir ki,smartfonun kənarları dairəvi formada olmaqla korpusu metaldan ibarətdir. Hər iki qurğu fiziki “HOME” düyməsiz və daktiloskopik sensoru öndədir. Əsas kameraları 12 meqapikselli təsvir ölçüsünə, ön kameralar 5 meqapikselli matrisaya malik qurğunun mükəmməl texniki xarakteristikaları onu daha cəlbedici edir.
«Redmi 5” smartfonunun təsvir ölçüsü “HD+” 5 düym ekran, “Qualcomm Snapdragon 420” prosessoru və 3300 mAs tutumlu batareya, “Redmi 5 Plus”-da isə təsvir ölçüsü “Full HD+” 5,9 düym ekran, “Qualcomm Snapdragon 625” və 4 min mAs akkumulyatorla təchiz edilib. Qurğular “MIUI 9” interfeysli “Android” əməliyyat sisteminin idarəetməsi ilə işləyir.
2 GB operativ və 16 GB quraşdırılmış yaddaşlı “Rеdmi 5” 120 dollardır.Bundan başqa qiyməti 135 dollar 3 GB operativ və 32 GB quraşdırılmış yaddaşlı olan formadad da buraxılacaq.
“Xiaomi Redmi 5 Plus” smartfonu 150 və 197 dollar olacaq və o 3 /32 GB və 4/64 GB versiyalarında təqdim olunacaq.
Smartfonların gələn həftə,daha dəqiq desək dekabrın 12-dən satışa çıxarılması planlaşdırılır.
