«Apple» şirkəti 9,7 düym diaqonallı yeni nəsil «iPad» planşetlərinin hazırlıqlarına başlayıb.Bu qurğu bazarda rəqabət qabiliyyətliliyi ilə seçiləcək.Onun ucuz olması sektorda əməlli başlı dəyişikliyə səbəb olacaq.
«Ictinfo.az» «cnews.ru» resursuna istinadən yazır ki, yeni «Apple» qurğularının istehsalına gələn ildən başlanılacaq. Şirkətin ucuz planşetlərın istehsalına başlaması hazırkı satış səviyyəsinin (rüb ərzində 10 milyona yaxın qurğu) saxlanılmasında maraqlıdır və ucuz qurğunun buraxılışı ən düzgün üsullardan biridir.
Bununla o «Huawei», «Lenovo», «Samsung» və «Amazon» kimi şirkətlərin qarşısına çıxmağı planlaşdırır.
Mütəxəssislər 9,7 düymlük ucuz «iPad» planşetinin 2018-ci ilin ikinci rübündə satışa çıxacağını ehtimal edir. Qurğunun gözlənilən qiyməti 259 dollara yaxındır.
«Apple» şirkəti əsas komplekt hissələri tədarükçülərini də müəyyənləşdirib. Ucuz «iPad» modeli «Compal Electronics» zavodunda yığılacaq, çap platasının və elementlərin istehsalı ilə «Compeq» və «Unitech Pronted Board» şirkətləri məşğul olacaq.
