Çinin qabaqcıl «Xiaomi» şirkətinə Avropa Birliyinı daxil olan ölkələrdə «Mi Pad» planşetlərini satmağı qadağan etdilər.Səbəb kimi qurğunun «Apple»-ın «iPad» planşetinə oxşarlığı göstərilir. «Ictinfo.az» «life.ru» resursuna istinadən bildirir ki, Avropa İttifaqının Baş Məhkəməsi «Apple»-ın üçillik iddiasına cavab verərək Xiaomi»-nin Avropa ölkələrində «Mi Pad» markasının altında qurğular satmağı qadağan edən hökm çıxardı.
«»Mi Pad» və «iPad» ticarət nişanlarının arasında bəzi oxşarlıq müşahidə olunur — məhkəmənin qətnaməsində deyilir. Beləliklə, Avropa Birliyində bu marka altında qurğuların satışı qadağan edilmişdir.
Əslində məhkəmə predmetinə səbəb olan məslələ üç il öncə başlanıb.Belə ki, 2014-cü ildə «Xiaomi» planşetin qeydiyyatı üçün Avropa Birliyinin İntellektual Mülkiyyət İdarəsinə (EUIPO) sifarişi verib.Qurğular arasında oxşarlıq görən «Apple» dərhal bununla bağlı şikayəti verdi. Məhkəmə üç il sonra qərar qəbul etdi.
İndi Çin şirkətində iki yol qalır.Ya Avropada planşetlərin satışlarından imtina etmək, ya da qərardan Avropa ittifaqı Məhkəməsi kimi Avropa Birliyinin ən yüksək məhkəmə instansiyasına şikayət etmək.
