Çinin “Xiaomi” şirkəti kənar təsirlərə və əlverişsiz hava şəraitinə qarşı yüksək davamlığa malik smartfonların buraxılışına başlamaq niyyətindədir.
“Ictinfo.az” “3DNews” resursuna istinadən yazır ki, söhbət üç istiqamət üzrə zərbəyə,rütubətə və tozkeçirməz olması üzər mühafizədən gedir.Texniki xüsusiyyətlər barədə ətraflı məlumat hələ ki verilmir. Şirkətin bir sıra smartfon və fabletləri “IP67” və ya “IP68” standartına uyğun buraxacağı gözlənilir.Şirkətin belə smartfonları 2018-ci ilin birinci yarısında təqdim edəcəyi gözlənilir. Öz növbəsində məlumatlar şərh edilmir.
Qiymətləndirməyə görə, bu ilin üçüncü rübündə smartfonların qlobal tədarük həcmi 373,1 milyon ədəd təşkil edib. “Xiaomi” 27,6 milyon qurğu sataraq nəticədə dünya bazarında 7,4 faizə sahib çıxıb. Şirkət aparıcı smartfon istehsalçıları siyahısında beşinci yerdə qərarlaşıb.
