«Microsoft» şirkəti «Surface Book» hibrid planşetinin ikinci nəsil buraxılışın təqdim etdi. «Surface Book 2» yeni modeli ekran diaqonalı 13,5 və 15 düym olmaqla iki variantda təklif edilir. Qurğu səkkizinci nəsil «Intel Core» prosessorları ilə təchiz edilməklə «Windows Mixed Reality» virtual reallıq dəbilqələri ilə işi dəstəkləyir.
«Ictinfo.az» «ferra.ru» reursuna istinadən bildirir ki,planşet «Intel» «Core i5-7300U» və ya «Core i7-8650U» prosessorları ilə təchiz edilir,həmçinin böyük konfiqurasiya üçün «NVIDIA GeForce 10» qrafikası təklif edilir.15 düymlük versiya üçün 6 QB video yaddaş ilə «NVIDIA GeForce 1060», 13,5-düym üçün 2 QB video yaddaş ilə «NVIDIA GeForce 1050» qrafikası istifadə olunur.
13,5-düym 3000 x 2000 piksel, 15 düymlük 3240 x 2160 təsvir ölçüsünə malikdir. Əməli yaddaş həcmi 8 və ya 16 QB, yığıcı — 256 QB, 512 QB və ya 1 TB çatır. 8 və 5 Meqapiksel kameralar, ön stereodinamikası var.
Qurğunun avtonom iş vaxtı 17 saat təşkil edir. Wi-Fi (802.11ac) , Bluetooth 4.1 dəstəklənir, USB 3.1 Type-A,USB 3.1 Type-C iki portu var.
«Microsoft Surface Book 2» üçün ilkin sifarişlərin qəbulu 9 noyabrda olacaq.15 düymlük versiya 2500, 13,5-düym versiya isə 1500 ABŞ dollara təklif ediləcək. Satışlar 16 noyabr 2017-ci ildən başlayır.
