«Passenger Drone» şirkətinin istehsalçıları Avropada «Ehang 184» və «Volocopter»-lə rəqabət apara biləcək öz şəxsi sərnişin uçuş aparatını yoxlamağa başladı.
«Ictinfo.az» «hi-news.ru» resursuna istinadən bildirir ki,»Passenger Drone» yaradanlar onun uçuşunu göstərən videonu yayıblar. Hələ ki, aparatda sərbəst uçmaq təhlükəlidir.Bu səbəbdən dronun kabinasına birinci dəfə pilot əyləşib. O, aparatın aerodinamik imkanlarını qiymətləndirərək uçuşda onun əsas sistemlərini sınaqdan keçirib.Aparatın sonuncu versiyasında idarəetmə elementlərinin saxlanılması nəzərdə tutulur. Bu səbəbdən o, həm müstəqil, həm də pilotun idarəetməsi ilə uça biləcək .
Aparatın kabinası helikopterə çox oxşardır.Amma ondan fərqli olaraq, uçan taksi elektrik qurğusu ilə təchiz edilmiş on altı motorun köməyi ilə uçur. Bu drona yarım saat ərzində saatda təqribən 50 kilometr sürətdə uçmağa icazə verir. İstehsalçılar qeyd edirlər ki, uçuşların məsafəsini artırmaq üçün daha tutumlu akkumulyatorlardan istifadə mümkün olsa da, aparatın kütləsi və qiymətinin arta biləcəyinə görə bunu etmək hazırda məqsədəuyğun hesab edilməyib.
Hələ ki, uçan taksi sınaqların ən başlanğıc mərhələsin keçir. Buna görə də tam təkmilləşdirilmə mərhələsindən sonra ilk nümayişlər növbəti ilin başlanğıcında keçəcək. Onun qiyməti və seriya istehsalı haqqında hələ bildirilmir.
