İnternet xəbər portallarında çoxdan gözlənilən “Xiaomi Redmi 5″ smartfonu haqqında informasiya yayılıb. Ekspertlərin məlumatına görə, onun nümayişi artıq bu ayın sonuna kimi olacaq.”Xiaomi Redmi 5” iki modifikasiyada olacaq. Birinci 8 nüvəli “Snapdragon 625”, ikinci isə 8 nüvəli “Snapdragon 630” prossesoru ilə təmin ediləcək.Nüvələrin miqdarının eyni olmasına baxmayaraq ikinci smartfon daha güclü olacaq.
Həmçinin ekran haqqında detallar məlumdur. Onun diaqonalının beş düym təşkil edəcəyi, ekranının isə Full HD və ya HD olacağı dəqiq deyil. Əməli yaddaşa gəlincə, smartfon ən çox 4 QB alacaq. Hələ ki, “Xiaomi Redmi 5” haqqında başqa informasiya yoxdur, amma güman edilir ki, onun qiyməti ən azı 200 dollar təşkil edəcək.
“Xiaomi” markası fəal inkişaf edir.Yaxın vaxtlarda şirkətin mağazalar şəbəkəsinin genişlənməsi də buna sübutdur.
