“WhatsApp” messencerində yeni faydalı funksiyaların istifadəyə verilməsi planlaşdırılır. Bunların içərisində ilk diqqəti cəlb edən “Night Mode”-nin (gecə rejimi) tətbiqidir.
“Ictinfo.az” “macdigger.ru”-ya istinadən bildirir ki, bu heç də gecə vaxtı gözə yüklənməni azaltmaq üçün proqramın interfeysini dəyişdirən gecə rejimi deyil. “Night Mode”-də söhbət yalnız havanın tutqun zamanı çəkilən şəkillərin keyfiyyətinin artırılmasından gedir.Bu funksiya eyni zamanda videozənglərə də tətbiq edilə bilər.
Yenilik “iPhone” üçün nəzərdə tutulduğundan onun ilk öncə “iOS”-da, daha sonra isə “Android” sistemində tətbiq ediləcək.
Qeyd edək ki,“WhatsApp”-da kameranın interfeysi çox bəsitdir və başqa proqramların interfeysini xatırladır. Burada miqyası böyütmək, işıqlandırmanı aktivləşdirmək üçün düymə və əsas kameradan ön kameraya keçmək üçün çevirici var.
